Ang dalawang kwento sa double-deck

#1: Ang makulit na bata.

Natutulog daw ang isang lalake sa itaas ng double-deck nang magising sya sa malakas na pag-uga nito.  Akala niya may bagyo pero hindi naman nagagalaw ang ibang gamit sa kwarto. Kaya’t naisip nyang baka ang ka-roommate nya lang na nakapwesto sa ibaba ang may pakana nito.

“Ano ba yan ‘pre.. wag ka namang magulo natutulog na ko dito.” Pero hindi pa rin tumigil ang pag-uga. Nainis na sya kaya’t sumilip na rin sya dito para sigawan. pero wala doon ang roommate nya. Isang batang halos bulok na ang katawan ang nakangiting nakatitig sa kanya. Nakatayo ito sa baluktot nang paa at nakahawak sa haligi ng double-deck ang mapuputol na nitong mga kamay.

#2: Ang batang makulit.

Isa namng lalake ang nakahiga sa ibabang kama ng double-deck. Tahimik lang ang kwarto habang nagbabasa sya. Nang bigla na lang may kumalabog sa itaas na higaan na para bang may tumatalon-talondun. Kinilabutan na sya dahil alam nyang wala namang nakahiga doon. Gusto man nyang tumakdo, hindi nya na maigalaw ang katawan sa sobrang takot. Kaya pumikit na lang sya para magdasal. May naramdaman syang may mabaho at malapot na tumulo sa noo nya. Hindi nya napigilan ang pagdilat dahil dito. Isang batang halos di na makilala ang mukha ang duguang dumungaw mula sa itaas.

At nahulog ang pugot nitong ulo sa kanya.

Add a comment September 26, 2008